Teknisk rådgiving

Description

Føremålet for utlysinga er å inngå ein eller fleire rammeavtalar for teknisk rådgiving innan sju ulike tenestegrupper, det vil seia ein rammeavtale med ein leverandør for kvar tenestegruppe. Rammeavtalane gjeld for nye prosjekt der oppdragsgivar er tiltakshavar. Oppdragsgivar har rett, men ikkje plikt, til å nytta eksisterande rådgivingsfirma for tidlegare gjennomførte prosjekt, og for prosjekt som alt er starta opp. Til dømes vil eksisterande rådgivingsfirma på kommunen sitt store byggeprosjekt «Vik helse- og omsorgssenter» fullføre dette prosjektet. All aktiviteten til oppdragsgivar føregår lokalt i Vik kommune, og leverandørane må rekna med å delta i ei rekkje møte og synfaringar i kommunen. Det er høve til å gi tilbod på ei eller fleire av tenestegruppene: 1. Kommunalteknikk, prosjektering av veg, vatn og avløp (RIVA). 2. Rådgivande ingeniør bygg (RIB). 3. Rådgivande ingeniør elektroteknikk (RIE). 4. Rådgivande ingeniør varme- ventilasjon og sanitærteknikk (RIV). 5. Arkitekt-tenester (ARK). 6. Arealplanlegging. I dette fagfeltet ligg først og fremst å delta i kommunal planlegging. I denne kontrakten ligg også ROS-analysar av område i samband med kommunal arealplanlegging. 7. Naturfarevurdering. Geologiske vurderingar av rasfare mot til dømes kommunal veg og/eller eksisterande busetnad.