Prosjekteringsoppdrag for Gravplass Frugarden BT2

Description

Føremålet med anskaffinga er å inngå kontrakt om detaljprosjektering, samt klargjering og gjennomføring av konkurranse for utføringsentreprise (generalentreprise etter NS 8406), for byggjetrinn 2 av gravplassen ved Frugarden. Prosjekteringa inneber òg klargjering av materiell til søknad om godkjenning frå Statsforvaltaren, jf. gravplasslova § 4 og gravplassforskrifta §§ 2, 3 og 4. I tillegg til den geotekniske undersøkinga det er krav om i gravplassforskrifta, må prosjekterande gjennomføre dei grunnundersøkingane som er naudsynte for å utarbeide eit godt konkurransegrunnlag for den komande utføringsentreprisen. Prosjekterande må i den samanheng ta høgde for den vegetasjonen som er i området i dag. Prosjekteringa skal ta utgangspunkt i vedlagd illustrasjonsplan (vedlegg 11) og nytte byggjetrinn 1 som referanseprosjekt. Prosjekterande må sjølv revidere illustrasjonsplanen i samsvar med gjeldande reguleringsplan og samstundes ta høgde for det som er naudsynt for å kople dei to byggjetrinna saman til ein heilskapleg gravplass. MERK: Illustrasjonsplanen i vedlegg 11 inneheld fleire element som ikkje kjem fram av DWG-filene frå byggjetrinn 1, som til dømes sitjebenker og vasspostar. Alle tilbydarar vert oppmoda til å føreta ei synfaring ved gravplassen frå byggjetrinn 1, før dei leverer tilbod.