Gwahoddiad i dendro i greu pecynnau e-ddysgu ar gyfer y diwydiannau creadigol

Description

Mae’r contract hwn i greu pecyn e-ddysgu ar gyfer y diwydiannau creadigol i’r Coleg Cymraeg Cenedlaethol. Gwahoddir ceisiadau gan gwmnïau addas i greu cyfres o gyflwyniadau rhyngweithiol gan artistiaid blaenllaw wedi’u pecynnu ar ffurf 6 pecyn e-ddysgu ar gyfer yr holl feysydd o fewn y diwydiannau creadigol. Rydym yn awgrymu cynnwys oddeutu 2-3 cyflwyniad neu astudiaeth achos yn rhan o bob pecyn. Dyma’r meysydd i'w targedu o fewn y pecynnau: -Celf a dylunio -Cerddoriaeth -Drama -Y cyfryngau creadigol -Busnes o fewn y diwydiannau creadigol -Llwybrau dilyniant/llwybrau gyrfa o fewn y maes a chyfleoedd o fewn y diwydiannau creadigol yng Nghymru Bydd angen cynnwys theori, gweithgareddau rhyngweithiol a syniadau am weithdai yn rhan o’r pecynnau e.e. sut i dwymo’r llais ar gyfer dysgwyr sy’n astudio cerddoriaeth, dangos techneg brintio ar gyfer celf.